Analisti Rron Gjinovci tha se devijimi i votave në zgjedhjet e fundit ishte real, por jo një skemë masive.

Nga 104,658 vota të rinumëruara, 12% rezultuan të devijume nga vullneti i votuesve në nivel kandidatësh, që përbën rreth 1.4% të totalit të votave.

Ai vlerëson se rinumërimi e ka korrigjuar këtë problem, por thekson nevojën që prokuroria të veprojë ndaj komisionerëve të përfshirë për të mbrojtur integritetin e zgjedhjeve.

Postimi i plotë:

Meqë shoqnia civile po dështon me qenë neutrale dhe me shpjegu mirë problemin objektivisht, po më duhet me u involvu në këtë temë.

1. Vjedhja e nji vote është tragjedi për demokracinë.

2. Shtrembërimi i rezultatit brenda kandidatëve për deputetë është i papranueshëm.

3. Kosova e adresoi këtë problem dhe po e sanon përmes rinumërimit.

4. 12% e votave të rinumërume (12940 të devijume nga 104658 të rinumërume) janë të devijume nga vullneti i votuesve në nivel kandidatësh, jo partish politike. 12940 vota të devijume në raport me 906753 (vota në total) i bjen 1.4% e krejt votave. Nuk është një skemë masive siç po thuhet. Prap është për shqetësim. Mirëpo kjo u sanua me rinumërim.

Nëse përnime dëshiron me jau ilustru njerëzve të thjeshtë shkallën e vjedhjes/devijimit të vullnetit duke e paraqitë vizualisht vjedhjen/devijimin mrena partive, atëherë grafikoni duket si ma poshtë. Kjo për shkak se proporcioni i saktë i vjedhjes/devijimit të votës mrena partisë është i pamundun me u llogaritë deri sa të kryhet i gjithë procesi. Indikacioni ma i mirë i shkallës së vjedhjes/devijimit është krahasimi i votave të vjedhuna/devijume me votën totale të rinumërume për secilën parti. Renditja flet vet: 30% e votave të rinumërume të PDK-së dalin të vjedhuna/devijume, 11% të AAK-së, 11% të LDK-së dhe 5% të VV-së.

Tash prokuroria është mirë me i arrestu komisionerët e involvum të PDK-së, AAK-së, LDK-së dhe LVV-së dhe me i çu në burg për këtë tentim të pasuksesshëm për me i komprometu zgjedhjet e Republikës ma demokratike në Ballkanin Perëndimor.

*Numrat janë të përafërt.