​Deputeti i LDK-së: Kur timoni është në duar të gabuara, të gjitha rrugët të dërgojnë në humnerë

Deputeti i Lidhjes Demokratike të Kosovës, Krenar Xhaferi, ka kritikuar Lëvizjen Vetëvendosje për krizën politike në vend. Sipas tij, “kryeneçësia” e kësaj partie po i sjell dëme të pariparueshme vendit.

Ai, pak para vazhdimit të seancës konstituive në tentativën e 44-t, përmendi një thënie popullore, duke thënë se “kur timoni është në duar të gabuara, të gjitha rrugët të çojnë në humnerë”.

Sipas tij, për të dalë nga kriza duhet rikthim në votë të hapur, ndryshim të kandidaturës për kryeparlamentar ose formimi i qeverisë së unitetit.

Xhaferi: Kur timoni është në duar të gabuara, të gjitha rrugët të dërgojnë në humnerë

“Në demokraci, pa stabilitet politik s’ka stabilitet ekonomik dhe ecje të vendit tonë përpara. Është një thënie popullore që thotë se ‘kur timoni është në duart e gabuara, të gjitha rrugët të çojnë në humnerë’. Kjo përshkruan më së miri situatën politike në qeveri dhe Kuvend.

Këtë kryeneçësi politike po e përjetojmë të gjithë ne. Situata për me dalë është shumë e thjeshtë: kthehemi te votimi i hapur, ndërrohet kandidatura, apo, kur nuk ke numra bën marrëveshje politike. Në fund, ose kthehemi te qeveria e unitetit që e ka propozuar LDK-ja”, tha ai.