Aktorja Dakota Johnson pati edhe një moment tjetër me të ashtuquajturin “naked dress”, teksa u shfaq me një fustan të guximshëm prej dantelle në edicionin e 21-të të Festivalit të Filmit në Cyrih të enjten.
Aktorja e filmit The Materialists, 35 vjeç, zgjodhi të mos mbante reçipeta, duke veshur një fustan blu me dantellë që vinte në pah linjat e saj elegante, shkruan DailyMail.
Pjesa e sipërme e punuar me dantellë vazhdonte në një fund me bel të ulët, i cili kombinohej me detaje dramatike prej tylit. Dakota u duk mjaft e qeshur dhe me humor teksa pozonte në tapetin e kuq, përpara se të ngjitej në skenë për të pranuar çmimin Golden Eye.
Kjo paraqitje vjen pak javë pasi aktorja tërhoqi vëmendjen në “Kering Caring for Women Dinner” gjatë Javës së Modës në Nju Jork, ku kishte zgjedhur një tjetër veshje tejet provokuese.
Për të ruajtur privatësinë, aktorja e Madame Web kishte veshur një set të brendshmesh prej sateni të zi poshtë fustanit transparent. Veshjen e kompletoi me sandale elegante me rripa, duke krijuar një paraqitje që la pa fjalë të pranishmit.
Johnson i dha fund lidhjes me frontmenin e grupit Coldplay, Chris Martin, 48 vjeç, në qershor të këtij viti. Dyshja kishin nisur romancën në vitin 2017, ishin fejuar pas disa vitesh, por pas tetë vitesh së bashku vendosën të ndaheshin. Një burim i tha ekskluzivisht Daily Mail se marrëdhënia e tyre “kishte përfunduar prej kohësh”, ndonëse lajmi i ndarjes u përjetua si i “rëndë” për fansat.
Burimi: botasot.info
