Christina Aguilera ka tërhequr sërish vëmendjen e mediave dhe publikut me paraqitjen e saj më të fundit në një event prestigjioz në Santa Monica.
Këngëtarja 45-vjeçare u shfaq në tapetin e kuq të Breakthrough Prize Ceremony, duke ekspozuar një transformim të dukshëm fizik pas humbjes së më shumë se 40 paundëve. Ndryshimi i saj në peshë dhe stil ka bërë që ajo të duket dukshëm më e freskët dhe më pranë pamjes së saj ikonike të viteve 2000.
E veshur me një fustan të zi, shumë të ngushtë dhe që theksonte linjat trupore, Aguilera tërhoqi gjithë vëmendjen e kamerave. Veshja elegante, por edhe mjaft e guximshme, i jepte asaj një paraqitje glamuroze, ndërsa pozonte me vetëbesim në tapet të kuq.
Me një stil të ri flokësh – bob i shkurtër dhe me balluke të drejta – këngëtarja dukej më rinore dhe më moderne. Grimi i lehtë dhe buzëqeshja e saj e sigurt e plotësonin transformimin, duke i dhënë një pamje të freskët dhe elegante.
Aguilera u pa duke pozuar me puthje dhe buzëqeshje për kamerat, duke rikthyer imazhin e saj të fuqishëm si një nga ikonat më të njohura të muzikës pop.
Burimi: botasot.info
