Një situatë e rëndë dhe e pakëndshme është regjistruar në orët e para të mëngjesit në shtëpinë e “Big Brother VIP Albania”, menjëherë pas përfundimit të spektaklit Prime.
Ndërsa banorët po përgatiteshin për të fjetur, një veprim i papritur i Artanit ka shkaktuar kaos dhe lot në dhomën e gjumit. Brikena ndodhej e shtrirë në krevatin e Mateos, kur Artani i është futur në shtrat me vrull dhe pa asnjë paralajmërim apo pëlqim nga ana e saj.
Ky veprim e ka gjetur të papërgatitur banoren, e cila njihet për natyrën e saj sentimentale dhe distancën rigoroze që ruan ndaj meshkujve në shtëpi, duke qenë shumë selektive për kontaktet fizike.
E tmerruar nga “pushtimi” i hapësirës personale, Brikena ka shpërthyer menjëherë në lot, duke shfaqur një gjendje të rënduar emocionale dhe frikë nga mënyra e vrullshme se si ndodhi situata, duke ikur ne banjo për të qarë.
Ndërsa situata ishte e tensionuar, Miri ka ndërhyrë për të sqaruar dinamikën, duke u shprehur se qëllimi i Tanit nuk ishte ngacmimi, por tentativa për të zënë krevatin e Mateos.
Megjithatë, mënyra e ekzekutimit të këtij veprimi ka lënë një shije të hidhur dhe ka tronditur thellë banoren. Kjo situatë vjen pas largimit te Mateos ne ‘shpell’ ku banorja e re Livia i dha imunitet.
Burimi: botasot.info
