Johnson Wen nga Australia u dënua me nëntë ditë burg pasi kërceu një barrierë dhe përqafoi këngëtaren Ariana Grande në premierën e filmit “Wicked: For Good” në Singapor javën e kaluar, duke shkaktuar panik tek të pranishmit.
Konkretisht, incidenti, i cili shkaktoi panik midis fansave dhe aktorëve, u kap në kamera dhe u përhap shpejt në rrjetet sociale.
Johnson nga Australia u paraqit sot në Gjykatën e Qarkut nëpërmjet një lidhjeje video dhe u deklarua fajtor për prishje të qetësisë, një vepër penale që mbart një dënim maksimal prej tre muajsh burg, një gjobë prej 1,500 dollarësh ose një kombinim të të dyjave.
Gjatë shpalljes së dënimit, Wen i premtoi gjykatësit se një incident i ngjashëm nuk do të ndodhte më.
Pamjet video të incidentit të 13 nëntorit tregojnë Wen duke kërcyer mbi një barrierë dhe duke u shtyrë përtej fotografëve për të arritur Granden në tapetin e verdhë.
Aktorja Cynthia Erivo shfaqet duke tërhequr Granden e trembur larg tij ndërsa ndërhyn siguria.
Eventi u mbajt në Universal Studios Singapore në Sentosa dhe ishte pjesë e turneut ndërkombëtar promovues për shfaqjen “Wicked: For Good”, premiera e së cilës do të jetë më 21 nëntor.
Profili i tij në Instagram përmban edhe pamje të tjera të incidenteve të ngjashme, duke përfshirë koncerte nga Katy Perry, The Weeknd dhe The Chainsmokers.
Burimi: botasot.info
