Publicistja Kimete Berisha ka reaguar me ironi dhe sarkazëm ndaj paraqitjes publike të Sami Lushtakut, duke e vënë në shënjestër konceptin e tij për “burrëri” dhe raportin me gratë.
Ajo ironizon faktin që ish-komandanti dhe kandidati për kryetar të Skënderaj krenohet publikisht me faktin se ka dy gra – duke e paraqitur këtë si shenjë force dhe ndershmërie, në krahasim me rivalët e tij politikë.
Me gjuhë thumbuese, Berisha shtjellon një panoramë ku “burrëria” matet me numrin e grave, ndërsa gratë e mbledhura në tubime dëgjohen për të ardhmen e tyre nga një burrë që flet me ortaken, përcjell “Bota sot”.
Shkrimi i plotë
Burrëria ligjore: me dy gra dhe një ortake!
– Në Kosovë, burrëria matet me gra.
– Sami Lushtaku është më i ndershëm dhe më burrë se Albin Kurti, sepse i ka dy gra.
– (Ish-komandanti, kryetar i përhershëm i Skënderajt: Përnjëmend i ka dy gra dhe ka thënë që, po të dojë Zoti, do të martohej prapë).
– Meshkujt e përkrahin, sepse e lakmojnë që i ka dy gra legale (e jo si këta, ilegale).
– Gratë e përkrahin nga frika, mos po ua gjen burrave të tyre gruan e re.
– Samiu i kish tubuar gratë e Skënderajt dhe u fliste për të ardhmen e tyre… me ortaken.
– E citoi “gruan e tij”, por gratë s’e ditën cilën, sepse për të edhe njëqind gra janë një: Grua!
P.S. “Do të të dashuroj derisa të më urresh.”
Burimi: botasot.info
