31
Shkup, 6 shtator – Kandidati për kryetar të komunës së Çairit, Bujar Osmani, ka shprehur rezervat e tij lidhur me mundësinë e një debati publik me ministrin e Mjedisit Jetësor, Izet Mexhiti, gjithashtu kandidat për kryetar komune të Çairit, transmeton Zhurnal.mk
Osmani, në përgjigje të pyetjes nëse do të pranonte debat me kundërkandidatin Izet Mexhiti, tha se ai nuk i ikën debateve, por se debati kyç që i nevojitet shtetit është me Hristijan Mickoskin.
“Unë natyrisht nuk do t’i ik debatit, mirëpo unë mendoj se nuk duhet ta bëjmë me ndërmjetësues. Unë dua të debatoj me kryesorin. Dua të debatoj me Mickoskin”, tha Osmani.
Mexhiti u bëri thirrje Osmanit që të urdhërojë në çdo vend dhe kohë për të sqaruar të gjitha dilemat që kanë shpërthyer në këtë fazë të fushatës elektorale.
“Tash ka dal për Çairin, le të urdhërojë kudo dhe kur të dojë, ti sqarojmë të gjitha dilemat,” tha Mexhiti, duke theksuar gatishmërinë për një debat transparent dhe të hapur publik për përballjen e ideve dhe planeve të dy kandidatëve.
Burimi: zhurnal.mk
