Senatori Flavio Bolsonaro, djali i ish- presidentit brazilian Jair Bolsonaro, njoftoi sonte se babai i tij, i cili po vuan një dënim me 27 vjet burg për një tentativë grushti shteti, e ka emëruar atë si pasardhësin e tij politik, përpara zgjedhjeve presidenciale në tetor 2026.
“Ndjej përgjegjësinë e madhe dhe konfirmoj vendimin e udhëheqësit më të madh politik të Brazilit, Jair Bolsonaro, për të më besuar misionin për të vazhduar planin tonë për kombin”, tha djali më i madh i politikanit të ekstremit të djathtë, në një postim në platformën X.
Nëse Partia Liberale e ratifikon kandidaturën e tij, 44-vjeçari Flavio Bolsonaro do të përballet me presidentin në largim Luiz Inacio Lula da Silva në zgjedhje. Ky i fundit konfirmoi në tetor se do të kërkonte një mandat të katërt.
“Nuk do të rri duarkryq ndërsa shoh shpresën e familjeve duke u zbehur dhe demokracinë tonë duke vdekur”, shtoi Flavio.
Njoftimi erdhi mes pasigurisë se kush do të ishte kandidati konservator në zgjedhjet presidenciale, me kandidatë që përfshinin Guvernatorin e Shtetit të Sao Paulos, Tarquisio de Freitas, dhe ish-zonjën e parë, Michele Bolsonaro.
É com grande responsabilidade que confirmo a decisão da maior liderança política e moral do Brasil, Jair Messias Bolsonaro, de me conferir a missão de dar continuidade ao nosso projeto de nação.
Eu não posso, e não vou, me conformar ao ver o nosso país caminhar por um tempo de… pic.twitter.com/vBvHS7M0hJ
— Flavio Bolsonaro (@FlavioBolsonaro) December 5, 2025
Ish-presidenti ka tre djem të tjerë, të cilët janë gjithashtu të përfshirë në politikë. Njëri prej tyre, kongresmeni Eduardo Bolsonaro, jeton në Shtetet e Bashkuara prej disa muajsh dhe ka lobuar me administratën Trump që të ndërhyjë në emër të babait të tij. Dy djemtë e tjerë, Carlos dhe Zhai Renan, janë këshilltarë bashkiakë.
Zhai Bolsonaro u dënua në shtator me 27 vjet burg pasi u shpall fajtor për komplot për të mbetur në pushtet pavarësisht rezultatit të zgjedhjeve të vitit 2022, në të cilat u mund nga Lula. Ai fillimisht u vu në arrest shtëpiak, por është mbajtur në selinë e Policisë Federale në Brasilia që nga 22 nëntori, pasi u përpoq të priste byzylykun elektronik që mbante veshur. Avokatët e tij po kërkojnë që atij t’i lejohet të kthehet në shtëpi për të vuajtur dënimin e tij, për shkak të problemeve shëndetësore me të cilat është përballur që nga viti 2018, kur u godit me thikë në një tubim zgjedhor dhe që atëherë i është nënshtruar disa operacioneve të rënda. Ai gjithashtu u diagnostikua së fundmi me kancer të lëkurës.
Top Channel
Burimi: top channel
