Qeverisja që sjell ndryshim të vërtetë nis me përkushtim të sinqertë, vizion të qartë dhe politika që prekin jetën e qytetarëve. Kjo është qasja e VLEN, konkrete, gjithëpërfshirëse dhe me rezultate të menjëhershme.

Ministri i Ekonomisë dhe Punës Besar Durmishi, ka prezantuar sot një ndër programet më domethënëse sociale të këtij mandate, një nismë që punëson 300 qytetarë dhe në të njëjtën kohë fuqizon komunat në ofrimin e shërbimeve sociale dhe shëndetësore për më të ndjeshmit e shoqërisë sonë.

Programi parasheh angazhimin e 300 personave të papunë për të ndihmuar të moshuarit, fëmijët në nevojë dhe personat me aftësi të kufizuara në të gjitha komunat shqiptare. Një model ky që jo vetëm u jep qytetarëve një mundësi të qëndrueshme punësimi, por edhe ndërton ura solidariteti dhe kujdesi në zemër të komuniteteve tona.

“Kjo është një politikë që flet me vepra dhe jo me premtime të zbrazëta. Është shembulli më i mirë se si VLEN udhëheq me zemër dhe me mendje, në shërbim të çdo qytetari, në çdo cep të vendit”, u shpreh ministri Durmishi gjatë prezantimit të programit.

Kjo është filozofia e qeverisjes së VLEN-it, njerëzit në qendër, planet konkrete në dorë, dhe përgjegjësia publike si themel i çdo vendimi.

Ndryshimi nuk është vetëm fjalë, është realitet që po ndërtohet çdo ditë. Me punë, me përkushtim dhe me politika që japin rezultate. Dhe VLEN po e bën këtë të prekshme për të gjithë.

1 32