berishaj pranon pagesat nga gen i i beogradit mohon se i mori si ambasador 6afc0ba42f33b

Berishaj pranon pagesat nga GEN-I i Beogradit, mohon se i mori si ambasador

November 17, 2026
1 minut lexim

Ambasadori i Kosovës në Kroaci, Martin Berishaj, ka mohuar se ka pranuar pagesa nga kompania GEN-I Beograd pasi mori detyrën diplomatike, por ka pranuar se pagesa të tilla i ka marrë më herët. “Pagesën e fundit nga GEN-i i Beogradit e kam pranuar para se të bëhem ambasador”, ka deklaruar ai të hënën mbrëma në emisionin “Debat Plus” të RTV Dukagjinit.

Berishaj u përball me pyetjet e gazetarit Lirim Mehmetaj, i cili iu referua deklarimeve të drejtuesve të kompanisë energjetike sllovene. Në emisionin “Tarça” të televizionit publik slloven RTVSLO, kryetari i bordit të GEN-I në Slloveni, Maks Helbl, kishte deklaruar se GEN-I Beograd i kishte paguar Berishajt 0,5 për qind të vlerës së kontratave për furnizim me energji elektrike, të cilat ai kishte ndihmuar t’i siguronin në Kosovë, Shqipëri dhe Mal të Zi.

Gjatë emisionit, ambasadori iu referua periudhës kur kishte qenë këshilltar në GEN-I, duke e lidhur atë angazhim me pagesat për të cilat u pyet. Sipas raportimeve të mediave që e përcollën emisionin, atij i është paraqitur edhe një dokument që pretendon të kundërtën e kohës që ai përmendi, si dhe shifra mujore për të cilat Berishaj u përgjigj se janë paguar taksat në Kosovë.

Sipas RTVSLO-së, Prokuroria e Specializuar Shtetërore e Sllovenisë dhe Njësia Kombëtare e Hetimeve kanë nisur, në fund të vitit 2022, hetime për bashkëpunimin ndërmjet GEN-I Beograd dhe kompanive të lidhura me Berishajn.

Përballja televizive erdhi po atë ditë kur Qeveria e Kosovës miratoi ndalimin e tregtimit të energjisë elektrike me ndërmarrjet që kanë seli, kompani amë ose pronarë të lidhur me Serbinë, si dhe masa emergjente 60-ditëshe për furnizimin me rrymë. Opozita ka kërkuar transparencë për tregtinë e energjisë së viteve të fundit, ndërsa ministrja e Ekonomisë, Artane Rizvanolli, ka deklaruar se KOSTT-i dhe KEK-u nuk kanë pasur transaksione me kompani serbe gjatë kësaj qeverisjeje.

Çështja e angazhimit të Berishajt me GEN-I ka qenë objekt i pyetjeve parlamentare edhe më herët gjatë mandatit të tij, ndërsa PDK-ja e ka ngritur atë vazhdimisht në debatet publike.

Burimi: botasot.info

VERO

EVN MACEDONIA

MATINA DENTAL CLINIC

AUTO SHKOLLA BEKO

moti sot me vranesira dhe intervale me diell keto jane temperaturat e pritshme 6afbef8441a83
Lajmi i mëparshëm

Moti sot me vranësira dhe intervale me diell, këto janë temperaturat e pritshme

kembimi valutor 17 nentor me sa blihen e shiten dollari dhe euro cfare ndodh me monedhat e tjera 6afc0bff402e2
Lajmi i radhës

Këmbimi valutor 17 nëntor/ Me sa blihen e shiten dollari dhe euro, çfarë ndodh me monedhat e tjera

Të fundit nga

ShkoLartë