Bekë Berisha nderon dëshmorët në Malishevë dhe viziton Kullën e UÇK-së

Kandidati i AAK-së për deputet, Bekë Berisha, ka bërë homazhe në Varrezat e Dëshmorëve në Malishevë, duke nderuar sakrificën e atyre që ranë për lirinë e vendit.

Ai vizitoi gjithashtu Kullën e UÇK-së, ku theksoi rëndësinë e ruajtjes dhe nderimit të vlerave të luftës çlirimtare, duke shprehur mirënjohje të përhershme për dëshmorët.

Postimi i plotë:

Fortesë. Qëndresë. Jetë.

Sot bëmë vizitë dhe homazhe tek Varrezat e Dëshmorëve në Malishevë, duke u përkulur me respekt para sakrificës të atyre që dhanë jetën për lirinë.

Atje ndjemë lidhjen e pashkëputshme me historinë dhe me jetët e papërsëritshme që nuk kursyen asgjë për atdheun.

Vizitën e vazhduam në Kullën e UÇK-së, ku në momente heshtjeje dhe reflektimi u përballëm me peshën e sakrificës dhe madhështinë e guximit, duke na kujtuar edhe njëherë se duhet ruajtur dhe nderuar vlerat e luftës çlirimtare.

Përjetësisht mirënjohës!

LAVDI!