Një ngjarje e pazakontë dhe njëkohësisht traumatike për një fëmijë është filmuar ditët e fundit në Kinë, gjatë motit të keq ekstrem që ka goditur vendin prej disa ditësh.

Në video shfaqet një baba duke ecur me shpejtësi në një rrugë të zbrazët, së bashku me vajzën e tij të vogël, ndoshta në përpjekje për të gjetur një vend të sigurt nga erërat e fuqishme të stuhisë.

Në një moment, era i rrëmben çadrën vajzës dhe ajo vrapon për ta marrë, por në vend që të ndalet apo të kthehet pas, babai vazhdon rrugën si të mos kishte ndodhur asgjë, duke e lënë vajzën pas, duke qarë dhe duke bërtitur për ndihmë.

Pamjet kanë shkaktuar reagime të shumta në rrjetet sociale, ku shumë përdorues kanë dënuar sjelljen e babait, duke e cilësuar ngjarjen si një përvojë traumatike për fëmijën.