8
Shkup, 23 korrik – Qeveria e udhëhequr nga VLEN, brenda vetëm një viti qeverisje, ka realizuar një nga premtimet më të rëndësishme sociale – rritjen e pensioneve në vlerë deri në 5,000 denarësh.
Kjo rritje, e cila për vite me radhë ishte premtuar por kurrë nuk u realizua nga qeveritë e mëparshme nga Bashkimin Demokratik për Integrim (BDI), tani është bërë realitet nga VLEN.
Zëdhënësja e Qeverisë nga VLEN Venera Azizi, theksoi se ky hap konkret është dëshmi e vullnetit për të përmirësuar standardin jetësor të qytetarëve, sidomos të kategorive më të ndjeshme si pensionistët. “Çfarë BDI-ja nuk mundi ta bëjë për dy dekada, ne e bëmë në vetëm një vit,” u shprehë për Zhurnal Venera Azizi, nga VLEN-i.
Rritja e pensioneve pritet të ketë ndikim pozitiv në ekonominë familjare të mijëra pensionistëve dhe është vetëm një nga masat sociale që Qeveria planifikon të zbatojë gjatë mandatit të saj.
Ky vendim është përshëndetur nga shoqatat e pensionistëve dhe qytetarët, të cilët për herë të parë pas shumë vitesh po shohin përmbushje konkrete të premtimeve të dhëna gjatë fushatave.
Burimi: zhurnal.mk
