Avokati tregon si u mor vendimi për lirimin e Salianjit dhe si reagoi ish-deputeti

Avokati i ish-deputetit në Shqipëri, Ervin Salianji, Ledio Braho tregon si ish-deputeti fitoi lirinë me kusht.

“Sikurse e parashikon ligji, duhet të kryente jo më pak se 2/3 e dënimit, tani që flasim ai ka bërë 3/4. Ne kërkesën e kemi depozituar në fund të muajit. Zgjati një muaj e gjysmë shqyrtimi i kërkesës. Ai nuk kishte dënime të tjera apo masa të tjera. Ka pasur sjellje të mirë. Dënimi për të është i shumëfishtë, i është ndërprerë mandati i deputetit, nëse nuk ka një vendim tjetër në Gjykatën Kushtetuese, ka 5 vite heqje të drejte për funksione publike. Ne do të vijojmë betejën”, tha ai për “Shqipëria Live”, transmeton Tch.

Ai tregon se Salianji e priti pozitivisht vendimin e gjykatës.

“Më tha që do dalë në një konferencë për shtyp. Është e domosdoshme që të mbajë një qëndrim publik për të gjitha këto që ka kaluar”, tha ai.