Pas një debati të ndezur televiziv me gazetarin e famshëm Piers Morgan, ku ai e quajti “një viktimë qesharake”, prezantuesja dhe modelja britanike Ashley James ka reaguar me stil – dhe me shumë vetëbesim!
Vetëm disa orë pas përplasjes që u bë virale në programin This Morning, Ashley u shfaq në premierën e filmit “All’s Fair” në Londër, duke lënë gojëhapur të pranishmit me një fustan të nxehtë prej PVC-je që theksonte linjat e saj perfekte.
Në tapetin e kuq, 37-vjeçarja shkëlqeu me elegancë dhe një buzëqeshje që tregonte qartë se nuk kishte ndërmend t’i jepte Piers-it kënaqësinë e “fitimit” të debatit.
Në intervistat pas eventit, Ashley u shpreh me tone të qeta, por therëse:
“Njerëzit si ai e kanë kthyer çdo debat për drejtësi dhe empati në një shfaqje për klikime. Nuk më prek më asgjë që thonë.”
Për kujtesë, gjatë përplasjes televizive, Morgan e kishte akuzuar Ashley-n se “luan viktimën” në rrjetet sociale, ndërsa ajo i ishte kundërpërgjigjur se fjala “woke” — për të cilën debatonin — “nuk është fyerje, por thjesht ndjeshmëri ndaj padrejtësisë”.
Debati u bë menjëherë viral në Britani, por Ashley zgjodhi mënyrën më të mirë për të kthyer vëmendjen tek vetja — me stil, vetëbesim dhe një look që bëri xhiron e mediave.
Burimi: botasot.info
