Arrestohet “koka” e Call Centerave, ishte “fshehur” te kompleksi në Dhërmi

Arrestohet “koka” e Call Centerave në Tiranë, Granit Pepnikaj ishte fshehur te kompleksi “Olea Residence” në Dhërmi.

Mësohet se operacioni është zhvilluar pas hetimeve të përbashkëta me autoritetet austriake, që zbuluan një skemë të sofistikuar mashtrimi kompjuterik dhe pastrimi parash.

Sipas prokurorisë janë përdorur struktura të organizuara që funksiononin si kompani legjitime, por që dyshohet se përfituan mbi 50 milionë euro nga qytetarë të vendeve të Bashkimit Europian.

Gjykata e Tiranës ka caktuar masën e sigurisë “arrest me burg” për Granit Pepnikën, që u identifikua në kuadër të një hetimi të përbashkët me autoritetet austriake.