Policia e Kosovës ka arrestuar pesë persona për posedim të substcave narkotike.
Në këtë aksion ku hetimet janë kryer nga Drejtoria për Hetimin e Trafikimit me Narkotik-Njësia Prishtinë, janë sekuestruar edhe mbi 400 euro.
“Gjatë kontrollit te të njëjtit në dy vetura dhe një banese që i kishin në shfrytëzim, janë gjetur dhe sekuestruar: 52.93 gramë substancë që dyshohet të jetë narkotike e llojit kokainë, 517.5 gramë substancë që dyshohet të jetë narkotike e llojit marihuanë, një peshore për matjen e narkotikëve, 2 paketime me folje që shërbejnë për paketimin e substancave narkotike. Në cilësi të provave materiale janë sekuestruar edhe 440 euro para që dyshohet se janë përfituar nga shitja e narkotikëve dhe tre telefona celularë”, thuhet në komunikatë.
Pas intervistimit me vendim të prokurorit katër nga të dyshuarit janë dërguar në mbajtje, ndërsa një është liruar në procedurë të rregullt.
Burimi: botasot.info
