Gjykatësi i procedurës paraprake në Gjykatën Themelore të Koçanit ka caktuar arrest shtëpie për dy inspektorë tatimorë të Administratës së të Ardhurave Publike në Shtip, të përfshirë në hetimin e lidhur me klubin “Puls”. Masa të kujdesit janë shqiptuar edhe për gjashtë të dyshuar të tjerë, ndërsa një person ka marrë kufizime shtesë.
Sipas Prokurorisë, inspektorët kanë keqpërdorur detyrën zyrtare duke zbuluar informacione për kontrolle të paparalajmëruara, për çka dyshohen për marrje ryshfeti. Personi përgjegjës i “Puls”-it akuzohet për dhënie ryshfeti. Shtatë inspektorë tatimorë nga Shtipi dhe Strumica dyshohen se u kanë mundësuar lokaleve “Puls” dhe “MMMM Cafe” të shmangin kontrollin fiskal. Pronari i “Puls”-it, i cili tashmë ndodhet në paraburgim, dyshohet edhe për falsifikim dokumentesh, ndërsa një inspektor i Inspektoratit të Tregut – për dhënie të sekretit zyrtar.
Prokuroria Themelore Publike e Koçanit ka paralajmëruar se do të ankimojë vendimin e Gjykatës Themelore Penale të Koçanit, e cila caktoi arrest shtëpie për dy nga të dyshuarit e arrestuar në aksionin e lidhur me tragjedinë në të ashtuquajturin kabare “Puls” në Koçan. Për këta dy persona, Prokuroria kërkoi paraburgim efektiv dhe jo arrest shtëpiak
Burimi: alfax.mk
