Një anketë e zhvilluar në profilin zyrtar të Agjencisë së Lajmeve Zhurnal në Facebook ka ngjallur interes të madh te qytetarët lidhur me garën për kryetar të Komunës së Çairit.

Anketa është organizuar më 28 gusht 2025, nga ora 19:30 deri në 23:30, dhe ka mbledhur gjithsej 1251 vota. Përdoruesit kishin mundësi të shprehin përkrahjen e tyre përmes reagimeve: “Like” për Izet Mexhitin dhe “Zemër” për Bujar Osmanin.

Rezultatet treguan një epërsi të qartë të Mexhitit:

56.43% e votave për Izet Mexhitin

43.57% e votave për Bujar Osmanin

Kjo krijon një diferencë prej afro 13% në favor të tij, duke e pozicionuar Mexhitin si fitues të kësaj gare virtuale.

Edhe pse anketa nuk ka karakter zyrtar apo shkencor, ajo shërben si tregues i perceptimit të një pjese të opinionit publik në rrjetet sociale, veçanërisht në Çair, një nga komunat më me peshë në Shkup, ku shumicën e popullsisë e përbëjnë shqiptarët.

Ndryshe, kujtojmë se kjo anketë është edhe një konfirmim i anketave të agjensionit Hubo në të cilën Mexhiti doli favorit kundër Bujar Osmanit.