Analisti: “Lista Serbe” po provokon me termin “Kuvendi i Prishtinës”

Analisti Melazim Koci ka reaguar pas dorëzimit të ankesës së Listës Serbe në Gjykatën Kushtetuese kundër votimit ndaras për nënkryetarët e Kuvendit.

Ai ka theksuar se partia i është referuar institucioni si “Kuvendi i Prishtinës”, një term provokues që përdoret nga zyrtarët serbë.

Sipas Kocit, Gjykata Kushtetuese nuk duhet ta trajtojë këtë ankesë derisa Lista Serbe të përdorë emërtimin zyrtar “Kuvendi i Republikës së Kosovës”.

Ai shtoi se kjo mund të jetë një taktikë për ta zvarritur konstituimin e Kuvendit.

Postimi i plotë:

Provokon “Lista Serbe”!

“Lista Serbe” e ka derguar ne Gjykaten Kushtetuese ankesen e paralajmeruar kunder votimit ndaras per zgjedhjen e nenkryetareve nga komunitetet pakice gjate seances konstituive.

Por, ajo qe befason eshte fakti qe “Lista Serbe”, Kuvendit te Republikes se Kosoves i referohet si “Kuvendi i Prishtines”!

Eshte term provokues me te cilin zyrtaret e Serbise u referohen institucioneve te Republikes se Kosoves.

Gjykata Kushtetuese nuk duhet ta trajtoi kete ankese gjithnje derisa “Lista Serbe” nuk i drejtohet me termin zyrtar si Kuvendi i Republikes se Kosoves.

Nuk duhet perjashtuar mundesine qe “Lista Serbe” kete provokim ta kete bere per te zhagitur ceshtjen dhe konstituimin e Kuvendit.

Pavaresisht motivit, Gjykata Kushtetuese nuk ka asnje obligim te adresoj ankesa permes te cilave perdhosen emertimet e institucioneve te Republikes se Kosoves!