Ambasadori i Mbretërisë së Bashkuar në Kosovë, Jonathan Hargreaves, ka uruar Vlora Çitakun për emërimin e saj si ushtruese e detyrës së kryetares së Partisë Demokratike të Kosovës (PDK).
Përmes një postimi në Facebook, Hargreaves ka bërë të ditur se e ka takuar Çitakun gjatë pasdites së sotme, me ç’rast e ka uruar për detyrën e re dhe ka shprehur gatishmërinë për të bashkëpunuar me të gjatë muajve në vijim.
Gjatë takimit, sipas ambasadorit britanik, është diskutuar edhe për shqetësimet e PDK-së lidhur me Dhomat e Specializuara të Kosovës.
Postim i plotë:
E urova Vlora Çitakun këtë pasdite për emërimin e saj si ushtruese e detyrës së kryetares së PDK-së. Pres me padurim të punoj me të gjatë muajve në vijim. Diskutuam shqetësimet e partisë lidhur me Dhomat e Specializuara të Kosovës dhe u pajtuam për rëndësinë që Kosova të mbetet e përkushtuar ndaj sundimit të ligjit dhe obligimeve të saj ndërkombëtare
Burimi: botasot.info
