Kryeministri i Kosovës, Albin Kurti, ka theksuar se vendi ynë po vazhdon të regjistrojë suksese në indekset ndërkombëtare, kësaj radhe në luftën ndaj krimit të organizuar.
Kurti ka shkruar në Facebook se sipas Indeksit Global mbi Krimin e Organizuar 2025, Kosova është përmirësuar për 34 vende krahasuar me vitin 2021 dhe vlerësohet si shteti me nivelin më të ulët të kriminalitetit në rajon.
Postimi i plotë:
Kosova si histori suksesi në tjetër indeks ndërkombëtar. Kësaj radhe në luftën ndaj krimit të organizuar.
Indeksi Global mbi Krimin e Organizuar 2025, në të cilin jemi përmirësuar për 34 vende në krahasim me vitin 2021, vlerëson Kosovën si shtetin me nivelin më të ulët të kriminalitetit në rajon. Tregues i qartë i angazhimit të përbashkët për luftim të krimit të organizuar, forcim të sundimit të ligjit dhe besimit ndaj institucioneve të rendit.
Ky indeks mbështetet e financohet edhe nga Bashkimi Evropian, Interpol dhe Departamenti Amerikan i Shtetit.
Burimi: botasot.info
