Aktorja amerikane, Alyssa Milano, ka vendosur të heqë implantet e silikonit në gjoks dhe ndau vendimin me ndjekësit në Instagram.
Sipas saj, ky hap është një “çlirim i një trupi që është seksualizuar dhe abuzuar” gjatë viteve.
Milano publikoi një foto në uniformë spitali dhe shpjegoi se po largohet nga “rrëfime të rreme” dhe pjesë të vetes që kurrë nuk kanë qenë të sajat.
Aktorja tregoi se për shumë vite besonte se i duheshin implantet për të qenë e dashur, e suksesshme dhe e tërheqshme.
Ky vendim është gjithashtu një mesazh për vajzën e saj 11-vjeçare, Bella, duke shpresuar ta çlirojë nga pritshmëritë e pashëndetshme mbi trupin dhe imazhin e femrës.
Milano theksoi se kjo zgjedhje nuk është një udhëzim për të gjitha gratë, duke shtuar se shumë gra gjejnë liri dhe bukuri në vendimin për të mbajtur implantet.
Në postim, Milano përfundoi me një mesazh të fuqishëm: “Sot jam e dashur, femërore, tërheqëse dhe e suksesshme. Asgjë nga kjo nuk ka të bëjë me implantet. Sot jam vetvetja ime autentike. Sot jam e lirë”.
Vendimi i aktores mori menjëherë mbështetje nga miqtë e saj dhe personazhe të njohur.
Burimi: botasot.info
