Policia ka vijuar aksionin në kryeqytet për të gjobitur drejtuesit e mjeteve që parkojnë dysh, apo në korsi të dedikuara duke bllokuar lëvizjen e lirë të automjeteve të emergjencës, këmbësorëve e biçikletave.
Mësohet se janë proceduar penalisht 7 shtetas, pasi bllokuan qarkullimin e lirë të automjeteve duke parkuar në rrugë në mënyrë të parregullt.
Uniformat blu kanë tërhequr me mjet ngritës dhe kanë bllokuar automjetet e parkuara gabim.
“Shërbimet e Qarkullimit Rrugor Tiranë, në bashkëpunim me Komisariatet Nr. 1, 2 dhe 3 kanë intensifikuar kontrollet në terren, me fokus të veçantë te verifikimi dhe ndëshkimi i rasteve të parkimeve të gabuara dhe të paligjshme, me qëllim garantimin e qarkullimit të lirë dhe të sigurt për të gjithë përdoruesit e rrugës.
Në këtë kuadër, bazuar në nenin 293, janë proceduar penalisht shtetasit A. B., 23 vjeç, K. Ll., 23 vjeç, L. Xh., 24 vjeç, B. F., 25 vjeç, M. Ç., 20 vjeç, 22 vjeç, S. Rr., 20 vjeç dhe L. K., 24 vjeçe, pasi me automjetet e tyre, kanë penguar qarkullimin normal të automjeteve të tjera, duke parkuar në rrugë/korsi të dedikuara për automjetet e emergjencës, transportin publik, për biçikleta, apo vendkalime këmbësoresh”, njofton policia.
Kontrollet në terren do të vijojnë në mënyrë të përditshme dhe të pandërprerë, në të gjitha akset dhe zonat urbane të kryeqytetit, me qëllim parandalimin dhe ndëshkimin e çdo shkeljeje që cenon rendin dhe sigurinë rrugore.
Burimi: opinion.al
