Policia ka dalë me një komunikatë për mediat në lidhje me aksidentin e regjistruar pasditen e kësaj të enjte në aksin rrugor Librazhd-Prrenjas, pranë Qukësit.
Autoritetet bëjnë me dije se automjeti me drejtues shtetasin R. D., është përplasur me automjetin me drejtues shtetasin Ç. H..
Si pasojë e aksidentit kanë mbetur të plagosur shoferi Ç.H. dhe tre pasagjerë në automjetin e tij, anëtarë të një familje.
Një prej të pagosurve, një 15-vjeçar, ndodhet në gjendje të rëndë shëndetësore dhe është dërguar tek spitali i Traumës për të marrë ndihmë mjekësore më të specializuar.
Policia thotë se grupi hetimor vijon punën për përcaktimin e rrethanave dhe shkaqeve të aksidentit.
Burimi: botasot.info
