Aksident trafiku në Vizbeg të Shkupit, automjeti godet një të mitur, konstatohen lëndime të rënda trupore

Një aksident trafiku i rëndë ka ndodhur sot në kryqëzimin e bulevardit “Sllovenia” me rrugën “J. Magjistralja” në Vizbeg të Shkupit, ku një automjet “Opel”, me targa të Shkupit, goditi një këmbësor të mitur. Lajmin e bëri të ditur Ministria e Punëve të Brendshme.

“Sot, më 30 janar 2026, në ora 17:03, në SPB Shkup është raportuar për një aksident trafiku mes automjetit dhe një këmbësori të mitur. I mituri u transportua me urgjencë në Qendrën Urgjente ‘Nënë Tereza’, ku iu konstatuan lëndime të rënda trupore”, thekson komunikata e MPB-së.

Sipas njoftimit, pas trajtimit fillestar, i mituri është mbajtur në Kirurgjinë e Fëmijëve. Autoritetet policore po ndërmarrin masa për të përcaktuar shkaqet e aksidentit dhe për të zbardhur rastin.

“Po merren të gjitha masat për të hetuar rrethanat e aksidentit dhe për të sqaruar ngjarjen në mënyrë të plotë”, përfundon komunikata e MPB-së.