Një aksident i rëndë është regjistruar mëngjesin e sotëm në aksin rrugor Lin–Pogradec, ku një automjet ka përplasur dy këmbësore.
Mësohet se kanë mbetur të lënduara një e moshuar dhe një vajzë e mitur, të cilat u përplasën teksa po kalonin nga njëra anë e rrugës në tjetrën.
Sipas burimeve, e moshuara ka pësuar dëmtime të shumta dhe është transportuar me urgjencë drejt spitalit të Pogradecit, ku ndodhet në gjendje të rëndë shëndetësore.
Ndërkohë, grupi hetimor ka mbërritur në vendngjarje dhe po punon për të sqaruar rrethanat dhe shkaqet e aksidentit.
Burimi: botasot.info
