Ende nuk është përgatitur kërkesa për ekstradimin e Musa Xhavit dhe Senafi Nuredinit nga Ministria e Drejtësisë. Sipas ministrisë, dokumentacioni i nevojshëm do të kompletohet dhe pas përfundimit të tij do të dërgohet kërkesa te Ministria e Drejtësisë së Shqipërisë për vijimin e procedurës.
“Ministria e Drejtësisë mori një njoftim nga Ministria e Brendshme më 13.07.2026, i cili filloi procedurën e ekstradimit. Në këtë fazë, ne po komunikojmë me autoritetet gjyqësore të Republikës së Maqedonisë dhe po mbledhim dokumente për ekstradim. Pasi t’i sigurojmë dokumentet dhe të përgatisim kërkesën për ekstradim, atëherë do t’ia dërgojmë kërkesën për ekstradim Ministrisë së Drejtësisë së Republikës së Shqipërisë”, thanë nga Ministria e Drejtësisë.
Nga Ministria e Drejtësisë njoftojnë se nuk mund të parashikojnë se sa do të zgjasë procedura.
“Jemi ende në fillim. Afati i fundit për dorëzimin e dokumenteve është 40 ditë nga dita e arrestimit. Pas kësaj, varet nga Ministria e Drejtësisë e Shqipërisë se kur do të veprojë sipas kërkesës sonë”, theksuan nga Ministria e Drejtësisë.
Të arrestuarit Musa Xhavit, 26 vjeç, nga Shkupi, dhe Senafi Nuredini, 34 vjeç, i lindur në Norvegji, ishin të kërkuar nga Interpoli për vepra të rënda penale. Xhavit dyshohet për vrasjen e oficerit ushtarak, ndërsa Nuredini si pjesë e grupit të organizuar kriminal Bellanoca-Baron. /Alsat.mk/
Burimi: alfax.mk
