Kryetari i Komunës së Shtimes, Qemaj Aliu njofton se punimet me vlerë mbi 862 mijë euro për renovimin e tri shkollave, SH.F “Emin Duraku”, SH.F.M.U “Hasan Prishtina” dhe Shkolla e Mesme Profesionale, janë duke u zhvilluar me intensitet të lartë gjatë pushimeve verore, për të përfunduar deri në fillim të shtatorit, me qëllim që nxënësit të kthehen në shkolla me ambiente moderne e të rinovuara.
“Punimet përfshijnë: Termoizolim të mureve dhe çative,ndërrim të dritareve dhe dyerve të jashtme,instalimin e ndriçimit LED, vendosjen e pompave termike dhe renovimin e rrjetit të ngrohjes”, ka shkruar Aliu në Facebook.
Sipas tij, në këtë formë po krijohen kushte më të mira për nxënësit dhe mësimdhënësit me ambiente më të ngrohta dhe më të përshtatshme për mësim.
Burimi: botasot.info
