Kryetari i Kuvendit, Afrim Gashi, ka pritur në Kuvend përfaqësuesit e Ansamblit “Karshiaka”, organizatorët e Festivalit Folklorik Ndërkombëtar “SKUPI 2026”, si dhe përfaqësues të ansambleve pjesëmarrëse nga vende të ndryshme.
“Sot pata kënaqësinë të mirëpres në Kuvend përfaqësuesit e Ansamblit “Karshiaka”, organizatorët e Festivalit Folklorik Ndërkombëtar “SKUPI 2026”, si dhe përfaqësues të ansambleve pjesëmarrëse nga vende të ndryshme.
I falënderova për përkushtimin e tyre në ruajtjen dhe promovimin e vlerave folklorike, duke theksuar se festivale si “SKUPI”, me traditën e tij 20-vjeçare, janë ura që lidhin kultura, forcojnë miqësinë mes popujve dhe pasurojnë jetën kulturore të Shkupit.
Pjesëmarrësve u dëshirova suksese në këtë edicion jubilar, me bindjen se përmes artit dhe traditës vazhdojmë të ndërtojmë ura mirëkuptimi dhe bashkëpunimi”, ka shkruar Gashi.
Burimi: alfax.mk
