Deputetja e LVV-së, Adriana Matoshi, ka reaguar ndaj kritikave për votën e diasporës, duke theksuar se emigrantët kanë paguar shumë për këtë të drejtë me sakrifica personale dhe familjare.

Sipas saj, diaspora ka qenë gjithmonë mbështetje e Kosovës dhe voton për një vend ku një ditë të kthehet pa frikë dhe me dinjitet.

Matoshi apelon për mosndarjen e popullit në “brenda” dhe “jashtë”.

Postimi i plotë:

DIASPORA❤️

Per ju qe po shkruani neper postime se pse diaspora me ardhe me votu ne Kosove e pastaj me u kthy prape jashte, ndersa ju me i barte pasojat kater vjet kjo nuk ua heq mergimtareve te drejten me votu ne Kosove.

Mos thoni qe s’ka drejte mergata me votu, sepse ata e kane pagu kete te drejte shume shtrenjte.

E kan pagu me mergim, me mall, me familje te ndara, me vite larg atdheut.

Kur Kosova ishte ne flake, diaspora s’ishte spektatore. Ishte shtylle.

Kur s’kishte shtet, diaspora ishte mbeshtetje.

Kur s’kishte shprese, diaspora ishte dore qe ndihmonte.

Ata nuk jetojne larg Kosoves sepse e duan me pak, por sepse rrethanat i detyruan.

Dhe secili prej tyre e mban Kosoven ne zemer, jo ne harte.

Me i quajt “rrezik” per demokracine eshte fyerje.

Demokracia nuk matet me distance, por me pergjegjesi.

Ata nuk votojne per inat.

Votojne sepse duan nje Kosove ku nje dite te kthehen pa frike, pa hall, me dinjitet.

Mos e ndani popullin ne “brenda” dhe “jashte”.