Abdixhiku: Pas zhbllokimit të fondeve, punë edhe në dimër edhe natën në Prishtinë

Kryetari i Lidhjes Demokratike të Kosovës (LDK), Lumir Abdixhiku, ka deklaruar se punët në Kryeqytet po zhvillohen me intensitet të lartë, pas zhbllokimit të mjeteve financiare që kishin mbetur të bllokuara për një vit.

Sipas Abdixhikut, punimet në projektet infrastrukturore po vazhdojnë pa ndërprerje, edhe gjatë sezonit të dimrit dhe gjatë natës, duke dëshmuar përkushtimin për realizimin e projekteve të rëndësishme për qytetarët e Prishtinës.

Statusi i tij i plotë:

Kryeqyteti punon! Fort!

Me “qitjen e pareve” nga bllokuesit një vjeçar, punët po vazhdojnë menjëherë; edhe në dimër, edhe natën.

Unaza e Brendshme e Prishtinës drejt finalizimit.

Unaza e Jashtme dhe të gjitha rrugët e vonuara për pesë vite tashmë, do të përfundojnë me ritëm të shpejtë. Kosova ka nevojë për zhvillim.

Sa shumë kemi humbur nga politika e inatit, sabotimit e bllokadës. LDK në Prishtinë nuk ndalet.