Kryetari i LDK-së, Lumir Abdixhiku, ka shprehur përkrahjen për Imri Ahmetin si kandidat për një mandat të ri në krye të Komunës së Lipjanit. Në një postim në FB, Abdixhiku e cilësoi Ahmetin si “njeriun më meritor për transformimin e Lipjanit”, duke vënë në pah përvojën e përkushtimin që ai ka ndër vite në udhëheqjen e komunës.
“Misioni vazhdon – me më shumë përkushtim, me më shumë vullnet,” shkroi ai.
“Prandaj, si gjithëherë, edhe këtë herë, Imri Ahmeti +4!”, shkruan Abdixhiku.
Postimi i plotë:
Imri Ahmeti për Lipjanin.
Sërish. Me besim. Me përvojë. Me përgjegjësi.
Sonte, në zyrtarizimin e kandidaturës së njeriut më meritorë për transformimin e Lipjanit, Imri Ahmetit. Misioni vazhdon. Me më shumë përkushtim, me më shumë vullnet.
Me Imriun dhe LDK-në, Lipjani ka njohur zhvillim të qëndrueshëm, stabilitet institucional dhe përfaqësim me dinjitet. Pas çdo projekti, pas çdo shkolle, rruge, investimi publik, është angazhimi i një ekipi që nuk ka ndalur kurrë – i udhëhequr nga një kryetar kampion, një mik i pashoq; e një bashkëpunëtorë që të motivon.
Sot, Lipjani nuk është thjesht një komunë më shumë. Është një model i qeverisjes së mirë në Kosovë. Model i LDK-së. Dhe kjo nuk ka ndodhur rastësisht. Ka ndodhur sepse kemi pasur njerëz që dinë, që punojnë, dhe që shërbimin ndaj qytetit e ka parësor.
Prandaj, si gjithëherë, edhe këtë herë, Imri Ahmeti +4!
Me të parën!
Burimi: botasot.info
