Nuk ka më vend për justifikime kur shporta e rrobave të palara është mbushur plot. Sigurisht, zgjidhja e parë është detergjenti i rrobave. Por ajo që pak e dinë është se ky produkt mund të përdoret për shumë më tepër sesa lavatriçja.
Sipas Lisa Sharp, eksperte pastrimi dhe themeluese e “Retro Housewife Goes Green”, detergjenti përmban enzima dhe përbërës që largojnë njollat dhe papastërtitë, duke e bërë të përshtatshëm për pastrime të ndryshme në shtëpi. Për më tepër, duke përdorur një produkt për disa funksione, kursehen para dhe shmanget grumbullimi i pafund i produkteve të pastrimit.
1. Pastrimi i tapetit
Në vend që të blesh shampo të kushtueshme për tapet, mund të përdorësh një sasi të vogël deterxheni me shkumë të pakët, veçanërisht nëse po përdor një makinë pastrimi për tapet. Mjafton të shtosh rreth një lugë çaji detergjent në enën e makinës dhe ta mbushësh me ujë. Për njollat, holloje deterxhentin, vendose mbi njollë, fërkoje me një furçë ose leckë dhe fshije me një leckë të lagur.
2. Pastrimi i lodrave të fëmijëve
Lodrat shpesh kalojnë nga duar të pista në dysheme, e ndoshta edhe më keq. Shumica janë plastike dhe mund të lahen lehtësisht me ujë të nxehtë dhe sapun. Mjafton të shtosh 2-3 lugë çaji detergjent në një legen me ujë të nxehtë dhe t’i lash lodrat me kujdes. Për njollat, mund të përdorësh një leckë mikrofibre me pak detergjent direkt mbi lodër.
3. Pastrues pluhurash
Nëse të ka mbaruar pastruesi i pluhurave apo dëshiron të përdorësh më pak produkte të ndryshme, përgatit një tretësirë me pak detergjent të holluar në ujë dhe përdore për të pastruar banakun, dyshemetë apo objektet sanitare. Për shkak të përbërësve aktivë, detergjenti largon yndyrnat dhe njollat me lehtësi. Gjithmonë provoje në një cep të padukshëm para përdorimit të plotë.
4. Fshesa për dysheme
Detergjenti i rrobave funksionon mjaft mirë për pastrimin e pllakave apo dyshemeve vinyl. Mjafton të hedhësh gjysmë kapaku detergjent në një kovë me ujë të ngrohtë dhe je gati për të fshirë. Falë përbërësve pastrues, detergjenti largon papastërtitë dhe yndyrën pa mundim.
5. Pastrimi i mobiljeve të jashtme
Mobiljet e oborrit duhen pastruar herë pas here, sidomos gjatë sezoneve të ngarkuara. Përziej pak detergjent me ujë, fërko tavolinat dhe karriget dhe shpëlaji me ujë të pastër. Efekti i pastrimit është i menjëhershëm, duke i dhënë mobiljeve pamje të freskët dhe të mirëmbajtur.
6. Heqja e njollave nga rrobat dhe mobiljet
Detergjenti është ndër zgjidhjet më të thjeshta për njollat në rroba apo në tapiceri. Thjesht aplikoje direkt mbi njollë, fërkoje me një furçë të butë dhe lëre të qëndrojë për 30 minuta para se ta lash si zakonisht. Përdorimi i një detergjenti pa toksina është edhe më i sigurt për përdorim në rroba dhe materiale delikate.
7. Larja e enëve
Në rast urgjence, kur të ka mbaruar lëngu i enëve, mund të përdorësh detergjentin e rrobave për t’i larë me dorë. Është i fuqishëm në largimin e yndyrës, por duhet shpëlarë mirë. Këshillohet të përdorësh lloje pa aromë dhe pa përbërës të fortë kimikë për rezultate më të sigurta dhe më të këndshme.
Burimi: botasot.info
