57 zjarre gjatë ditës, aktualisht janë vetëm dy aktive
Sipas të dhënave të pranuara nga Qendrat Operative Regjionale 112, sot në Kosovë janë regjistruar 57 vatra zjarri nga të cilat dy sosh vazhdojnë të jenë aktive, ndërsa të tjerat janë lokalizuar si rezultat i reagimit të Njësive Profesionale të Zjarrfikjes dhe Shpëtimit, ka bërë të ditur Agjencia e Menaxhmentit Emergjent.
Me përmasa më të mëdha dhe rrezik më të lartë është shënuar vatra e zjarrit në lagjen “Pajtimi” të Shtimes ku disa qytetarë janë detyruar të marrin trajtim mjekësor si pasojë e ekspozimit ndaj tymit, raporton kp.
Agjencia apelon te qytetarët të shmangin çdo veprim që mund të shkaktojë zjarr dhe të denoncojnë çdo rast të zjarrvënies në numrat telefonikë 112, 193 dhe 192.
Burimi: botasot.info
