Zyberi: Supozimet e ASh-së se jam avokat i BDI-së janë aluzione dhe të pabaza, do t’i demantoj

Avokati i Popullit, Naser Zyberi në një intervistë për Radio Evropën e Lirë në gjuhën maqedonase, ka folur edhe për akuzat e vazhdueshme që opozitarja Aleanca për Shqiptarët i ka dërguar drejt tij, se “është avokat i Qeverisë (BDI-së)”.

Ai ka deklaruar se këto akuza janë supozime të vetëm ASh-së dhe ato shpesh herë janë aluzione, por se ai do t’i demantojë me angazhimin e tij si Avokat i Popullit.

“Këto vërejtje të cilat vinë nga ana e Aleancës janë vetëm supozime të tyre, se Avokati i Popullit nuk do të jetë i pavarur në kryerjen e funksionit të tij. Ato supozime shpesh herë janë aluzione dhe të pabaza për shkak se Avokati i Popullit tash e merr funksionin. Duhet t’i jepet hapësirë dhe unë jam i bindur se me angazhimin tim do t’i demantojë të gjithë skeptikët dhe se do ta arsyetoj besimin që na e ka dhënë pushteti legjislativ, por edhe tatimpaguesit të cilët ndajnë mjete, që ne të jemi ruajtës të lirive dhe të drejtave të qytetarëve kur ato vihen në dyshim nga institucionet”, tha Zyberi.

Zyberi sërish ka hedhur poshtë pretendimet, se posti i Avokatit të Popullit është kompensim për mosrealizimin e premtimit që ai të jetë kryeministër i parë shqiptar./TV21

Ngjarja paraprake

​Tregu i automjeteve i stërmbushur me qytetarë, por pak shitje

Ngjarja e ardhëshme

Vaksina e zhvilluar nga AstraZeneca më pak efektive kundër llojit të ri të COVID-19

të fundit nga

AlbanianEnglishMacedonian