Qendra për Menaxhimin me Kriza (QMK) njoftoi se sot në mëngjes në orën 06:33 në numrin e vetëm për raste urgjente, 112, është marrë thirrje për zjarr në një banesë në katin e 6-të në rrugën “Pandil Shishkov” në lagjen e Aerodromit.
“Ekipi i Brigadës së zjarrfikësve të Qytetit të Shkupit menjëherë ka dalë në terren dhe kanë shuar zjarrin, duke parandaluar kështu edhe përhapjen në banesat fqinje. Nga zjarri sipas gjitha gjasave ka pësuar një person i moshuar dhe i palëvizshëm”, thonë nga QMK.
Në lokalizimin e zjarrit kanë intervenuar 15 zjarrfikës me gjashtë automjete zjarrfikëse.
Burimi: alsat.mk
