Zëvendëskryeministri Bislimi priti në takim Komisioneren për të Drejtat e Njeriut të Këshillit të Evropës, Dunja Mijatoviq

Zëvendëskryeministri i Parë për Integrim Evropian, Zhvillim dhe Dialog, Besnik Bislimi priti në takim Komisioneren për të Drejtat e Njeriut të Këshillit të Evropës, Dunja Mijatoviq.

Komisionerja Mijatoviq u shpreh falënderuese për mikpritjen nga ana e institucioneve të Republikës së Kosovës, gjatë punës së saj monitoruese për të drejtat e njeriut, si dhe fushat që kanë të bëjnë me drejtësinë tranzicionale, kohezionin social, liritë e mediave dhe barazia gjinore. Gjithashtu, u përshëndet dhe puna e Qeverisë për njohjen dhe verifikimin e statusit të personave të dhunuar gjatë luftës.

Zëvendëskryeministri Bislimi e informoi Komisioneren Mijatoviq rreth angazhimit të vazhdueshëm dhe përkushtimit të Qeverisë në zbardhjen e fatit të të zhdukurve me dhunë gjatë luftës.

Në takim u diskutua edhe mbi avancimin e barazisë gjinore dhe rëndësinë e kuotave të grave në institucione publike të Republikës së Kosovës.

Zëvendëskryeministri Bislimi foli edhe mbi bashkëpunimin që tashmë Kosova e ka përmes institucioneve ku është anëtare, siç janë Komisioni i Venedikut dhe Banka e Këshillit të Evropës, si dhe aplikimit të Kosovës për anëtarësim në Këshillin e Evropës.​

GAZETA.MK

Story i mëparshëm

Çmimi i naftës thyen rekord, furnizuesit e mëdhenj vendosin të rrisin prodhimet

Story i radhës

Kërçovarja Saranda Bekteshi doktoron në Leuven të Belgjikës

Të fundit nga

AlbanianMacedonianEnglish