Zeqirija Ibrahimi, njëri nga liderët e VLEN-it, mori pjesë sot në pritjen solemne të organizuar nga ambasadori i Mbretërisë së Bashkuar në Shkup, Matthew Lawson, me rastin e ditëlindjes së Mbretit Çarls III.
Në këtë ngjarje festive, Ibrahimi ishte i shoqëruar nga Kryetari i Komunës së Tetovës, Bilall Kasami, zëvendëskryeministri Arben Fetahi dhe ministri për Çështje Evropiane, Orhan Murtezani.
Gjatë pritjes, u riafirmua bashkëpunimi i ngushtë ndërmjet Maqedonisë së Veriut dhe Mbretërisë së Bashkuar në fusha të rëndësishme si ekonomia dhe infrastruktura, që përfaqësojnë shtylla kyçe për zhvillimin e qëndrueshëm dhe thellimin e partneritetit dypalësh.
Burimi: alfax.mk
