Presidenti ukrainas Volodymyr Zelensky për herë të parë ka folur pas bisedimeve të djeshme midis Ukrainës dhe SHBA-së, dhe pranimit të planit të armëpushimit nga vendi i tij.
Ai i vlerëson ato bisedime si “konstruktive” dhe thotë se dëshiron të përdorë armëpushimin e mundshëm 30-ditor si një shans për të hartuar një plan të përhershëm paqeje, i cili mund të përfshijë garanci sigurie.
“Ne do të duhet ta diskutojmë atë në më shumë detaje nëse do të kemi një armëpushim 30-ditor. Këto 30 ditë do të duhet të përdoren për të hedhur disa çështje në letër”, tha Zelensky.
Presidenti ukrainas theksoi se “të gjithë” do të duhet të jenë pjesë e një bashkimi për ta bërë Rusinë të detyrohet të pranojë paqen.
“Gjithçka varet nëse Rusia është e gatshme ta bëjë këtë, të vendosë një armëpushim, ose nëse është e gatshme të vazhdojë të vrasë njerëz”, shtoi Zelensky.
Gjithashtu tha se nuk ka “dëgjuar asgjë” për një ftesë të dytë të raportuar në Shtëpinë e Bardhë për t’u takuar me Donald Trump, por thotë se rifillimi i ndihmës ushtarake amerikane dhe shkëmbimi i inteligjencës është “shumë pozitiv”.
Burimi: botasot.info
