Zaev: Garancia e çështjeve të identitetit është konfirmuar me Marrëveshjen për fqinjësi të mirë me Bullgarinë

Shkup, 2 tetor 2020 (MIA) – Kryeministri Zoran Zaev sot në konferencë për shtyp deklaroi se do të jetë i kujdesshëm në përgjigjet e kërkesave të Bullgarisë për zgjidhjen e çështjes me Goce Dellçevin dhe për  gjuhën, sepse duhet të arrihet zgjidhje që do të sjellë fitime për të dyja palët dhe do të jetë për  mirëqenien e Maqedonisë së Veriut dhe të Bullgarisë.

“E dini që jemi të fokusuar  në mundësinë për zgjidhje të shpejtë të kësaj çështje që është e drejtë para nesh. Gjithsesi, garancia për çështje të identitetit është konfirmuar me Marrëveshjen për fqinjësi të mirë me Bullgarinë, ndërsa kjo është gjuha maqedonase  dhe populli maqedonas.  Unë besoj se të gjitha ato dokumente, komente të cilat dalin janë vetëm dëshirë për zgjidhje të këtij kapitulli të katër historik apo figura e gjashtë historike që mund të jetë mundësi e shkëlqyer që të na bashkojë, të na afrojë, ta përforcojë miqësinë dhe të ngjashme. Do të jemi të kujdesshëm në komentet për shkak të kësaj që e dimë që duhet të arrihet zgjidhje e cila do të sjellë fitime për të dyja palët dhe do të jetë për mirëqenie dhe për pasoja pozitive për Maqedoninë e Veriut dhe të Bullgarisë”, deklaroi Zyevi në konferencën e përbashkët për shtyp me ndihmës sekretarin shtetëror për energjetikë të SHBA-së Francis Fanon në Qeveri.

Ministri i Punëve të Jashtme Bujar osmani javën e ardhshme do ty vizitojë Bullgarinë, ndërsa kjo do të jetë pararendësi e vizitës në Sofje të Zaevit, deri në fund të këtij muaji apo fillim të nëntorit.

“Shumë shpejt shpresoj do ta realizojmë vizitën në Sofje ku do të mundemi të bisedojmë për aq shumë projekte të përbashkëta, para së gjithash, projekte ekonomike.  Njëri ndër ato është pikërisht kjo që sot flasim, lidhjen me gaz, me të gjithë mundësinë e cila hapet për përparimin e bashkëpunimit, por definitivisht besoj se e gjithë ajo e cila paraprin para nesh do të jetë edhe një sinjal për bashkëpunim pozitiv në të gjithë këtë rajon”, theksoi Zaevi.

Këto çështje historike, sipas tij, duhet të shfrytëzohen si potencial për përparimin e bashkëpunimit të përgjithshëm.

“Hapen mundësitë e këtilla të bukura energjetika, gazsjellësit kombëtarë, lidhshmëria reciproke përmes gazifikimit, përmes sistemeve energjetike të llojeve të tjera, përparim të ekonomisë, investimeve reciproke në të dyja shtetet, si dhe siç thash ndihma reciproke me resurset  në mjetet mbrojtëse për Kovid-19”, deklaroi Zaevi. ar/ 

Ngjarja paraprake

Rusia po i shton sistemet për njohjen e fytyrës, HRW shprehet e shqetësuar

Ngjarja e ardhëshme

SPASH: Një numër i madh i mësuesve nuk kanë kompjuterë për mësim-onlajn

të fundit nga

AlbanianEnglishMacedonian