Ylli i amerikanojugorëve rrezikon 15 ndeshje shkualifikim

Ylli i Uruguait, Jose Gimenez, mund të dënohet për pesëmbëdhjetë ndeshje pasi goditi një zyrtar të FIFA-s, pasi skuadra e tij u eliminua nga Kupa e Botës.

Fitorja 2-1 e Koresë së Jugut ndaj Portugalisë e dërgoi skuadrën amerikano-jugore në shtëpi, pavarësisht se ata mundën 2-0 Ganën në një ndeshje të mbushur me polemika.

Uruguai mendoi se duhej të kishte një penallti në fundin e ndeshjes pasi Edinson Cavani u rrëzua në zonë dhe pas fërshëllimës së fundit gjakrat u nxehën akoma më shumë.

Gimenez humbi plotësisht gjakftohtësinë e tij teksa u përpoq të përballej me arbitrin ndërsa ai po dilte jashtë fushës. Ylli i Atletico Madrid duhej të mbahej nga shokët e skuadrës teksa bërtiste dhe ndiqte arbitrin Daniel Siebert.

Mes kaosit, Gimenez goditi me bërryl në pjesën e pasme të kokës një përfaqësues të FIFA-s. 27-vjeçari nuk u ndal me kaq teksa vazhdoi të nxehej, më pas u pa duke bërtitur drejt një kamera televizive në përleshje: “Ata [arbitrat] janë të gjithë një bandë hajdutësh këta bij  k***ash. Po, më regjistro. Bir i një k***e”.

Mundo Deportivo pretendon se nëse këto incidente raportohen nga drejtori i garave të FIFA-s, atëherë ai mund të përballet me një pezullim prej 15 ndeshjesh ose një kohë “të përshtatshme” larg futbollit.

Nuk është e qartë nëse skualifikimi do të shërbehet vetëm për ndeshjet ndërkombëtare apo do të bartet edhe në futbollin e klubeve. Shokut të skuadrës të Gimenez, Luis Suarez, iu transferua dënimi për kafshim në ndeshjet me klubin në vitin 2014.

Gimenez nuk është i vetmi uruguaian që mund të jetë në telashe me autoritetet pasi Cavani goditi monitorin e VAR-it teksa po dilte jashtë fushës.

GAZETA.MK

Story i mëparshëm

6 shenja se e keni “virusin e varfërisë”

Story i radhës

Mladen Çadikovski rizgjedhet në krye të SHGM-së

Të fundit nga

AlbanianMacedonianEnglish