Vullnetarë të Kryqit të Kuq ndihmojnë në gjetjen e klinikës adekuate

Shkup, 4 tetor 2020 (MIA) – Në kohëzgjatje prej 3 deri 4 orë, në periudhën e mëngjesit, vullnetarë nga Kryqi i Kuq edhe më tej u shërbejnë qytetarëve gjatë gjetjes së lokacionit të nevojshëm adekuat në kompleksin e klinikave “Nënë Tereza”, si pjesë e projektit “Udhërrëfyes në spital”. Ky projekt filloi me funksionim në tetor të vitit të kaluar, ndërsa pati pauzë me ndërprerje/stagnim në punën e Terminit Tim, pas çka prej 15 shtatorit sërish filloi me punë në gjashtë lokacione.

Janë vendosur lokatorë në gjashtë vende dhe atë në KU për Radiologji, KU për Gjinekologji dhe Obstetrikë, KU për sëmundje klinike/Urgjencë, KU për Kardiologji, KU për sëmundje të fëmijëve – Shkup dhe KU për sëmundje interne, ku gjithsej 9 persona janë të kapshëm për informim të qytetarëve.

“Gjatë periudhës së kaluar ky projekt u tregua si i suksesshëm duke pasur parasysh atë që në funksionimin e përgjithshëm, vullnetarët u ndihmuan me udhëzim gjithsej 20.000 qytetarëve. Gjatë trajnimeve të cilat u mbajtën, vullnetarët morën njohuri dhe shkathtësi për atë se si ta lehtësojnë qasjen e të gjithë personave të cilët kanë nevojë për ndihmë dhe mbështetje në gjetjen e klinikave universitare (locim fizik), procedura administrative për pacientët, si dhe udhëzim të personave të cilët kanë nevojë për ndihmë shtesë në repartet interne (sportele, dhoma kontrolli, termine për pranim, mjekë përgjegjës etj)”, kumtoi Ministria e Shëndetësisë.

Në kuadër të projektit janë përpunuar edhe broshura për ndihmë të parë psikologjike në gjuhën maqedonase, shqipe dhe rome.

Me të gjitha këto aktivitete, theksojnë nga Ministria e Shëndetësisë, prezantojmë mënyrë për mbështetje dhe përmirësim të modelit të mbrojtjes shëndetësore në shtet me të cilën lehtësohet qasja drejt shërbimeve spitalore. ab/

 

Ngjarja paraprake

Turqia dënon sulmet e Armenisë ndaj qytetit azerbajxhanas Ganja

Ngjarja e ardhëshme

Nesër fillon procesi mësimor për studentët e vitit të parë në Universitetin e Tetovës

të fundit nga