Vrasja e Klodian Rashës, Berisha: Rama e ktheu policinë në bandë të dhunshme

Ish-kryeministri i Shqipërisë, Sali Berisha komentoi situatën politike pas dorëheqjes së ministrit të Brendshëm Sandër Lleshaj.

Sipas tij, kryeministri me fjalimin e tij bëri apologjinë e krijimit të asaj që ai e quan narkopolici.

“Rama u përpoq duke dihatur të impresionojë shqiptarët, edhe pse e ka mbushur policinë sapo erdhi në pushtet me trafikantë droge, me vrasës siç ka bërë me parlamentin, paçka se e shndërroi policinë e shtetit në institucionin kryesor të kanabizimit të vendit, e shndërroi në një polici të krimit monstruoz elektoral, paçka sa e shndërroi policinë e shtetit në një polici e cila dhunonte në mënyrë barbare qytetarët, që nga Sahit Dollapi që po përpiqej të ndihmonte policinë”, tha ish-kryeministri.

Berisha tha se vrasjet e 21 janarit nuk kanë lidhje me policinë dhe viktimat u vranë nga garda, që është ushtri dhe ka vetëm armën si mjet mbrojtës.

“Policia nuk vrau njëri në 21 janar, i vrau garda, që është ushtri dhe jo polici. Garda ka pasur tanke dhe krejtësisht detyra të tjera dhe garda, dihet si çdo ushtri në botë ka vetëm një mjet për t’u mbrojtur, s’ka as shkop, as spraj, as ujë, vetëm armën.

Ka një raport të OSBE që thotë se demonstrata e 21 janarit pati axhendë  pushtetin. Shteti nuk merret, unë nuk iki nga zyra, por ka një ndryshim të madh. Në 21 janar u mbrojt shteti nga banda të pajisura me armë, kallëpe dinamiti. Dhe nuk ka pasur asnjë urdhër zjarri për gardën”, tha Berisha teksa i rikthehej ngjarjes së 21 janarit 2011.

Ngjarja paraprake

​Erdogan përsëri bëri thirrje për ndryshim të qeverisë në Armeni

Ngjarja e ardhëshme

Ja pse duhet ta pastroni kokën e dushit me sodë buke!

të fundit nga

AlbanianEnglishMacedonian