VOA: Shqipëri – SHBA nënshkruan një marrëveshje për gazifikimin

Shqipëria dhe SHBA nënshkruan sot një marrëveshje bashkëpunimit për futjen e gazit të lëngshëm natyror nga Amerika në Shqipëri.

Marrëveshja e nënshkruar në Hjuston Texas të SHBA-ve nga ministrja Belinda Balluku dhe përfaqësues të kompanisë amerikane u vlerësua si një zhvillim fantastik për energjitikën shqiptare dhe një sukses domethënës për marrëdhëniet shqiptaro – amerikane.

Ambasadorja e SHBA-ve në Shqipërisë, Yuri Kim, tha se kjo marrëveshje e jashtëzakonshme është akumulim i punës së shumë qendrave për një kohë të gjatë.

“SHBA ka mbështetur rolin unik të aleates së NATO-s, Shqipërisë, për të zhvilluar sigurinë, e vecanërisht sigurinë e saj energjitike. TEC i Vlorës do të shënojë një zgjerim të mundësive europiane drejt burimeve të qëndrueshme të energjisë. Një Europë me burime të qëndrueshme energjitike është një partnere e fortë për të punuar në objektiva të përbashkëta” – tha zonja Kim.

Diplomatja amerikane tha se Vlora do të jetë një hap tjetër për të përballuar sfidat e energjisë dhe klimës në rajon.

Marrëveshja e sotme i jep fund varësisë së tec-eve me qymyrguri në rajon, duke i hapur rrugën energjisë diellore, hidrike etj. Sipas ambasadores Kim, kjo marrëveshje është mënyra më e mirë për të festuar përvjetorin e rivendosjes së marrëdhënieve diplomatike SHBA – Shqipëri, e cila u shndërrua nga Koreja veriore e Europës në një burim të mundshëm energjie për rajonin dhe më gjerë.

Kryeministri Edi Rama mori pjesë nga një platformë online. Ai tha se Shqipëria është toka më pro-amerikane në këtë anë të botës.

“Ne do të bashkëpunojmë për të shndërruar Shqipërinë në eksportuese të energjisë brenda vitit 2030 dhe për këtë kemi partnerët më të mirë. Kjo do të jetë një mbështetje e madhe edhe për ekonominë e Shqipërisë, duke e shndërruar Vlorën në një qendër eksporti të gazit të lëngshëm” – tha zoti Rama.

Ministria e infrastrukturës e energjisë e Shqipërisë dhe kompanisë Exxon Mobil & Excelerate Energy nënshkruan bashkëpunimin për një projekt, i cili përfshin konvertimin e TEC-it të Vlorës me gaz të lëngshëm, ndërtimin e një terminali të ri gazifikimi dhe shpërndarjen e gazit të lëngshëm, duke e shndërruar Vlorën në një qendër rajonal për gazin e lëngshëm./VOA

Ngjarja paraprake

Serbia mbyll dyqane e restorante në fundjavë

Ngjarja e ardhëshme

Selektori i Shqipërisë: Nëse e kujtoni pas Andorrës kishim Francën dhe ajo ndeshje ndikoi shumë

të fundit nga

AlbanianEnglishMacedonian