Verrati: Lojtarët e Italisë janë të mësuar me presionin

Në kuadër të gjysmëfinales Play-Off për Botërorin e Katar 2022, Italia pret Maqedoninë e Veriut ndërsa Marco Verrati as nuk e çon nëpër mend që axurrët të mbesin sërish jashtë turneut madhor. Mesfushori i PSG, theksoi se lojtarët e Italisë janë mësuar me presionin dhe dinë si ta menaxhojnë atë, ndërsa shtoi se njerëzit e kanë kujtesën e shkurtër dhe harrojnë sa vendimtar ishte Gianluigi Donnarumma në triumfin e Euro 2020.

“Duhet të kemi besim, të enjten kemi një ndeshje shumë të rëndësishme ndaj një kombëtare që e ka merituar të jetë në këtë pikë. Duhet të ecim para dhe të përdorim dëshirën dhe entuziazmin që na karakterizon.

Është një moment shumë i rëndësishëm për ne dhe nuk mund t’ia lejojmë vetes të mbetemi jashtë Botërorit. Edhe kundërshtarët do të bëjnë ndeshjen e jetës dhe në fund do të bëhen llogaritë, ne të gjithë duam ta luajmë këtë Botëror.

Donnarumma nuk është poshtë me moralin, ai është një djalosh special. Pas gabimit me Real Madrid sërish nuk e humbi entuzazmin dhe të mos harrojmë atë që ka bërë gjatë Europianit, ai është një nga portierët më të mirë në botë”, u shpreh Verrati.

GAZETA.MK

Story i mëparshëm

​Tre të vdekur dhe 41 raste të reja me COVID

Story i radhës

Këto shenja të horoskopit do të dashurohen me ty me sytë mbyllur

Të fundit nga

AlbanianMacedonianEnglish