Varianti i ri trefishoi numrin e infeksioneve nga COVID-19, pavarësisht masave të bllokimit në Mbretërinë e Bashkuar

Varianti i ri, më ngjitës i Covid-19 që u shfaq për herë të parë në juglindje të Anglisë tashmë po përhapet me shpejtësi edhe gjatë bllokimit të dytë të kombit në nëntor, sipas një raporti të botuar të enjten nga shkencëtarët në Imperial College London.

Sipas France24, një raport nga shkencëtarët në Imperial College London lëshuar më 31 dhjetor vlerësoi se lloji i ri i coronavirusit trefishoi numrin e tij të infeksioneve në Angli gjatë bllokimit të nëntorit ndërsa numri i rasteve të reja të shkaktuara nga varianti i mëparshëm u ul me një të tretën.

Siç thuhet më tej, varianti i ri shkaktoi një normë më të lartë të riprodhimit (R) – e cila përcakton se sa ngjitëse sëmundja bazohet në numrin e njerëzve të infektuar nga secili person i infektuar – prej 0.7 kundrejt 0.4 për llojin e mëparshëm, madje edhe me “nivelet e larta të distancës sociale” gjatë bllokimit para Krishtlindjes.

Një normë R duhet të jetë më pak se 1 që numri i rasteve të reja të fillojë të bjerë.

Vlerësimi i fundit i qeverisë britanike për normën R për Mbretërinë e Bashkuar si një e tërë, botuar më 23 dhjetor, ishte ndërmjet 1.1 dhe 1.3.

Shfaqja e llojit të ri të Covid-19 bëri që më shumë se 50 vende të vendosnin kufizime të udhëtimit në raport me Mbretërinë e Bashkuar në fund të dhjetorit, shumë prej të cilave u hoqën më pas.

“Ekziston një ndryshim i madh në atë se sa lehtë përhapet varianti i ri i virusit”, tha për BBC, Axel Gandy, një statisticien në Imperial College London dhe një bashkëautor i raportit. “Ky është ndryshimi më serioz në virus që nga fillimi i epidemisë”, tha ai.

Hulumtimi gjithashtu zbuloi se lloji i ri fillimisht po përhapej më shpejt midis njerëzve nën moshën 20 vjeç, por më pas filloi të përhapet në grupmoshat e tjera. 

Ngjarja paraprake

Simone Inzgahi: Tifozët duhet të kenë durim me Muriqin, do të na ndihmojë shumë

Ngjarja e ardhëshme

Hedh armën në tokë dhe tenton ti ikë policisë, një i arrestuar te “Ali Demi”

të fundit nga

AlbanianEnglishMacedonian