Ushtria turke neutralizon 6 terroristë të PKK/YPG-së në veri të Sirisë që tentuan të kryenin sulm

Ushtria e Turqisë ka neutralizuar gjashtë pjesëtarë të organizatës terroriste PKK/YPG të cilët kanë tentuar të kryejnë sulm në zonën e operacionit “Burimi i Paqes” në veri të Sirisë, njoftoi Ministria turke e Mbrojtjes, transmeton Anadolu Agency (AA).

Në një deklaratë, ministria tha se tentativa e infiltrimit në zonën ku forcat turke një vit më parë realizuan operacionin “Burimi i Paqes” u parandalua me sukses.

Ministria tha se gjashtë terroristët “të cilët tentuan të kryejnë sulm për të prishur mjedisin e qetësisë dhe sigurisë”, janë neutralizuar nga komandot turke.

Në fushatën e saj terroriste më shumë se 30-vjeçare kundër Turqisë, PKK, e listuar si organizatë terroriste nga Turqia, SHBA-ja dhe BE-ja, ka qenë përgjegjëse për vdekjen e 40 mijë njerëzve, përfshirë gra, fëmijë dhe foshnja. YPG është dega siriane e PKK-së.

Që nga viti 2016, Turqia ka kryer operacione të suksesshme kundër terroristëve përtej kufirit të saj në veri të Sirisë për të parandaluar formimin e një korridori terrorist dhe për të mundësuar vendosjen paqësore të banorëve: Mburoja e Eufratit (2016), Dega e Ullirit (2018) dhe Burimi i Paqes (2019).



.. .

Ngjarja paraprake

Vdes Ismet Peja, ikona e muzikës shqipe

Ngjarja e ardhëshme

Nuk i solli Lulzim Basha as Gjykatën Speciale, as planin e ndarjes së Kosovës, as të minishengenit, as narkoshtetin e as eksodin në Shqipëri

të fundit nga