Ndonëse tarifat e vendosura nga presidenti i SHBA-së, Donald Trump dominojnë titujt kryesorë, urrejtja për veturat elektrike të Teslas nuk po shuhet.
Në një dyqan Tesla në Massachusetts, një burrë spërkati me bojë disa vetura elektrike, pas së cilës ai u arrestua.
Bëhet e ditur se i arrestuari është 28-vjeçari Gardy Pierre.
Pierre tani përballet me 11 akuza për shkatërrim të pronës, si dhe për prishje të qetësisë.
Çdo akuzë për shkatërrim prone dënohet deri në tre vjet burg dhe një gjobë prej 1500 dollarësh ose “jo më shumë se trefishi i vlerës së pronës”.
Dënimi për prishjen e rendit dhe qetësisë publike është kundërvajtje e lehtë dhe dënohet me gjobë deri në 150 dollarë.
Por, Pierre ndoshta nuk do t’ia dalë mirë sepse ka spërkatur bojë në vetura me vlerë mbi 500,000 dollarë.
Zyrtarisht motivi është duke u përcaktuar, por bëhet e ditur se në shënjestër prej disa muajsh janë ekspozitat e Teslas, veturat dhe pronarët e tyre.
Themeluesi i Tesla, Elon Musk, i cili është i lidhur ngushtë me administratën Trump, është gjithashtu në sulm.
Burimi: botasot.info
